Jul 03, 2023
१८ असार, भरतपुर
उद्योग वाणिज्य संघ–चितवनको सभाकक्षमा आज उद्योग वाणिज्य संघ–चितवन र अधिकृत व्यवसायी संघ–चितवनको संयुक्त आयोजनामा एक दिवसीय विक्रयकला सम्बन्धी तालिम सम्पन्न भएको छ ।
अधिकृत व्यवसायीहरूका व्यवसायमा कार्यरत कर्मचारीहरुलाई लक्षित गरी गरिएको यस तालिमले व्यवसाय प्रवद्र्धनका साथसाथै बजारीकरणको अवस्था र वस्तु विक्रीगर्ने कला सम्बन्धी जानकारी गराउने उद्देश्यले तालिमको आयोजना गरिएको हो । उक्त कार्यक्रममा बोल्दै उद्योग वाणिज्य संघ–चितवनका अध्यक्ष चुननारायण श्रेष्ठले विक्री बढेमा आम्दानी बढ्ने विक्री घटेमा आम्दानी घट्ने हुनाले व्यवसायको मेरूदण्ड भनेकै बस्तु विक्री भएको बताउनु भयो । अध्यक्ष श्रेष्ठले अहिलेको बजारमा विश्वव्यापीकरणले ल्याएको परिर्वतनमा परिवर्तित हुदै विक्रेताहरूलाई वस्तु विक्री गर्ने कला सम्बन्धी जानकारी दिने उद्देश्यले यस कार्यक्रमको आयोजना गरिएको वताउनु भयो । अध्यक्ष श्रेष्ठले बजारमा जसको व्यवसायमा नेटवर्क बढी हुन्छ उसको विक्री पनि बढी हुने कुरा बताउ“दै उहा“ले नेटवर्क बढाउन व्यवसायलाई सूचना प्रविधिस“ग जोड्नुपर्ने साथै विक्री बढाउनका लागि क्रेता सन्तुष्ट गराउनुपर्ने वताउनुभयो ।
कार्यक्रममा नेपाल वितरक महासंघका उपाध्यक्ष दुर्गाप्रसाद गौतमले तालिमबाट सिकेको कुरालाई राम्रो सँग प्रयोगमा ल्याउन सके सेल्समेनलाई सेल्स अफिसर बनाउन सहयोग गर्ने बताउनु भयो ।
कार्यक्रमका प्रमुख मध्यस्थकर्ता बालकुमारी कलेजका उपप्राध्यापक पदम राज सापकोटाले कार्यक्रममा प्रस्तुतीकरण दिंदै विक्रयकलाको सिद्धान्त, सेल्समेनले जान्नुपर्ने कुराहरू, सेल्समेनमा हुनुपर्ने गुण, व्यापारमा मार्केटिङको आवश्यकता, ग्राहक सन्तुष्टि किन आवश्यक छ र यो कसरी प्राप्त गर्न सकिन्छ, सफलताको रहस्य के होला, ब्राण्डीङ भनेको के हो, भन्ने कुराको साथसाथै विश्व बजारमा विक्रयकला सम्बन्धी विभिन्न उदाहरणहरू समेत दिनुभएको थियो ।
कार्यक्रममा धन्यवाद ज्ञापन गर्दै अधिकृत व्यवसायी संघ–चितवनका अध्यक्ष नारायण प्रधानले तालिममा सहभागी व्यवसायी एवं कर्मचारीलाई व्यवसायिक एवं कार्यकुशलता विकासको शुभकामना दिनु भएको थियो । अधिकृत व्यवसायी संघका कार्यक्रम संयोजक निर्मल ढकालको संयोजकत्वमा विक्रयकला तालिम भएको थियो । तालिममा उद्योग वाणिज्य संघ–चितवनका वरिष्ठ उपाध्यक्ष सुमनकुमार श्रेष्ठ, उपाध्यक्ष त्रय चिरञ्जीवी सुवेदी, राजेन्द्र ओली, सिरिष पन्त कार्यकारी निर्देशक निलबहादुर के.सी., कार्य समिति सदस्य रजनी मास्के, दिपा शाही, विज्ञान लाल श्रेष्ठ, अधिकृत व्यवसायी संघका निवर्तमान अध्यक्ष रवी श्रेष्ठ, अधिकृत व्यवसायी संघका पदाधिकारी, कार्य समिति लगाएत अधिकृत व्यवसायी र व्यवसायीका कर्मचारी सहित १०० जनाभन्दा बढिको सहभागिता रहेको थियो । कार्यक्रम उद्योग वाणिज्य संघ–चितवनका अध्यक्ष चुननारायण श्रेष्ठको अध्यक्षतामा सम्पन्न भएको उक्त कार्यक्रम उद्योग वाणिज्य संघ–चितवनका कार्यक्रम अधिकृत गणेश सुवेदीले सञ्चालन गर्नुभएको थियो ।
