नेपाल उद्योग वाणिज्य महासंघको ४२ औं वाषिर्क साधारण सभाबाट नवनिर्वाचित महासंघका अध्यक्ष कुशकुमार जोशीले आज अध्यक्षको पद वहाली गर्नुभयो । त्यसैगरी नवनिर्वाचित उपाध्यक्षहरु क्रमशः कृष्णप्रसाद ताम्राकार (जिल्ला नगर उद्योग वाणिज्य संघ समूह), भाष्करराज राजकणिर्कार (वस्तुगत समूह) र प्रदीपजंग पाण्डे (एसोसिएट समूह) ले पनि आजै उपाध्यक्षको पद वहाली गर्नुभयो ।
पद वहाली पछि महासंघका नवनिर्वाचित अध्यक्ष जोशीले सचिवालयका कर्मचारीहरुलाई निर्देशन दिनुहुंदै महासंघलाई सम्पूर्ण निजी क्षेत्रको भरोसा र आशाको केन्द्र बनाउने आफनो लक्ष्यमा साथ दिन कर्मचारीहरुलाई आग्रह गर्नु भयो ।
महासंघ सेवामुखी संस्था भएकाले सेवा दिंदा समय, गुणस्तर र उत्तरदायित्व जस्ता कुरालाई मनन गर्न कर्मचारीहरुलाई सुझाव दिनुहुंदै अध्यक्ष जोशीले महासंघको सेवालाई अझ बढी प्रभावकारी पार्न जतिसक्दो छिटो आइएसओ प्रणाली ( ISO System ) लागू गर्ने योजना रहेको बताउनु भयो ।
पदाधिकारी, कार्यकारिणी समिति र सचिवालय महासंघको एउटै परिवार भएकाले परिवारका सबै सदस्यहरुबाट आआफनो जिम्मेवारी र प्रतिवद्धताका साथ कार्य हुनेमा दृढता जनाउंदै अध्यक्ष जोशीले नयां नेतृत्वले महासंघको प्रभावकारीतालाई अझ व्यापक बनाउन दुर दृष्टिका साथ ल्याउने कार्यक्रमहरुको कार्यान्वयनमा सचिवालयबाट पूर्ण सहयोग हुने विश्वास प्रकट गर्नुभयो ।
सो अवसरमा महासंघका नवनिर्वाचित उपाध्यक्षहरु क्रमशः ताम्राकार, राजकणिर्कार र पाण्डेले निजी क्षेत्रले भोग्नु परेका समस्या र आइपरेका चुनौतीहरुलाई सामना गर्दै प्रभावकारी सेवा विस्तार तथा महासंघकेा छविलाई उच्च पार्ने प्रमुख भूमिका कर्मचारीहरुकै भएकोले नयां नेतृत्वले ल्याएका कार्यक्रमहरुको प्रभावकारी कार्यान्वयनमा सचिवालयको महत्वपूर्ण भूमिका रहने बताउनु भयो । साथै उहांहरुले महासंघको गतिविधिहरुलाई संशोधित विधान अनुसार विकेन्द्रीत रुपमा कार्य गर्ने बताउनु हुंदै सचिवालयलाई अझ बढी व्यवसायीक बनाउंदै लग्नुपर्ने आवश्यकता ओल्याउनु भयो ।
त्यसअघि नवनिर्वाचित अध्यक्ष एवं उपाध्यक्षहरुको महासंघ सचिवालयमा स्वागत गर्नुहुदै महासंघका कामु महानिर्देशक मेघनाथ न्यौपानले महासंघको नेतृत्वले दिएको निर्देशन अनुसार कार्यगर्न सचिवालय प्रतिवद्ध रहेको बताउनु भयो । उहांले महासंघले प्रदान गर्ने सेवा प्रभावकारी रहदै आएको र यसमा अझ सुधार गर्न सचिवालय दृढ रहेको बताउंदै नयां नेतृत्वले ल्याउने सबै कार्यक्रमलाई प्रभावकारी रुपमा कार्यान्वयन गर्ने विश्वास दिलाउनु भयो ।
