नेपाल उद्योग वाणिज्य महासंघको विधानको दफा ११ को उपदफा ११.१ बमोजिम महासंघका भूतपूर्व अध्यक्ष बिनोद बहादुर श्रेष्ठलाई वर्तमान कार्यकारिणी समितिको कार्यावधिसम्मका लागि विशिष्ट सदस्यता (Distinguished Member) प्रदान गरिएको छ ।

महासंघका अध्यक्ष कुशकुमार जोशीको अध्यक्षतामा हिजो भक्तपुर उद्योग वाणिज्य संघमा बसेको महासंघको चौथो कार्यकारिणी समितिको बैठकले उक्त निर्णय गरेको हो ।

सो विधानमा महासंघको उद्देश्य प्राप्तिका लागि विशेष योगदान पुर्žयाउने स्वदेशी एवं विदेशी व्यक्ति वा संस्थालाई कार्यकारिणी समितिले आफ्नो कार्यावधिसम्मका लागि महासंघको विशिष्ट सदस्यता प्रदान गर्न सक्ने व्यवस्था छ ।

वि.सं. २०६०-०६२ को अवधिमा महासंघको अध्यक्ष भई कार्य गर्नु भएका विशिष्ट सदस्य श्रेष्ठले यस अघि २०५६-५८ को अवधिमा महासंघको तृतीय उपाध्यक्ष, २०५८-५९ मा प्रथम उपाध्यक्ष र २०५९-६० मा कार्यवाहक अध्यक्षका साथै वि.सं. २०५० देखिनै कार्यकारिणी समिति सदस्य लगायत विभिन्न ओहदामा रहि महासंघको उद्देश्य पूर्तिका साथै नेपालको चेम्बर अभियानलाई अघि बढाउन महत्वपूर्ण योगदान पुर्žयाउंदै आउनु भएको छ ।