संयुक्त राष्ट्र संघीय नियोग लगायत विभिन्न मुलुकका सरकार, रोजगारदाता र कामदारहरुको सहभागितामा स्वीजरलैण्डको जेनेभामा हालै आयोजित त्रिपक्षीय अन्तर्राष्ट्रिय बैठकले सन् २००८ मा सम्पन्न अन्तर्राष्ट्रिय श्रम सम्मेलन (International Labour Conference) द्वारा र्सवसम्मतिले अनुमोदित गरिवी निवारणका लागि ग्रामीण रोजगारी सम्बन्धी सुझावहरु तर्फध्यानाकर्ष0f गर्दै विश्व खाद्य संकट सम्बन्धमा विभिन्न सिफारिश गरेको छ ।

विश्व खाद्य सुरक्षाको आवश्यकता एवं अन्तरसम्बन्ध रहेका तत्वहरु दीगो कृषि प्रणाली, वनस्पति उर्जाको संरक्षण, उत्पादकत्वमा सुधार, बढ्दो माग अनुरुप खाद्यान्न उत्पादन बृद्धि, दीगो उद्यम व्यवसाय एवं सम्मानजक कामको विकास, व्यवसायिक सुरक्षा तथा स्वास्थ्य, रोजगारी सिर्जना जस्ता क्षेत्रमा विशेष जोड दिनु पर्ने सिफारिश गरेको छ ।

अन्तर्राष्ट्रिय श्रम संगठन (ILO) र रोजगारदाताहरुको अन्तर्राष्ट्रिय संगठन (International Organization of Employers=IOE) द्वारा संयुक्त रुपमा आयोजित सम्मानजनक काममा खाद्यान्नको मूल्य संकटको प्रभाव (The Impact of food price crisisis on decent work) बिषयक उक्त त्रिपक्षीय प्राविधिक बैठकले सो सिफारिश गरेको हो ।

नेपाली निजी क्षेत्रको तर्फबाट नेपाल उद्योग वाणिज्य महासंघका अध्यक्ष कुशकुमार जोशीले भाग लिनु भएको उक्त बैठकमा नेपाल लगायत अर्जेन्टिना, क्रोएशिया, जमैका, नाइजेरिया, न्यूजिल्याण्ड, सिनेगल, र्टर्की, भेनेजुएला आदि मुलुकको सहभागिता थियो ।

उक्त बैठकले आइएलओ तथा संयुक्त राष्ट्र संघीय उच्चस्तरीय खाद्य सुरक्षा संकट (Global Food Security Crisis) सम्बन्धी कार्यदल बीचको अन्तरक्रियालाई नियमन गर्न "आईएलओ गभर्निङ्ग वडी" लाई सिफारिश गर्नुका साथै प्रभावकारी सामाजिक सुरक्षाका लागि परिमाणजनक कार्यहरु गर्नु पर्ने, विश्वव्यापि सूचना तथा अनुगमन प्रणालीलाई सुदृढ गर्नु पर्ने, बनस्पति उर्जा (Biofuels) सम्बन्धी जनचेतना अन्तर्राष्ट्रिय रुपमानै विकास गर्नु पर्ने र यसका लागि आईएलओले सहयोग गर्नु पर्ने सुझाव दिएको छ ।

त्यसैगरी राष्ट्रिय एवं अन्तर्राष्ट्रिय खाद्य सुरक्षा नीतिका लागि सहयोग पुर्‍याउन सक्ने ग्रँमीण, जनशक्ति, श्रम बजार तथा उद्यम सम्बन्धी तथ्याङ्क संकलन एवं पुनरावलोकन गर्नु पर्ने, राष्ट्रिय अन्तर्राष्ट्रिय नीति निर्माण एवं कार्यान्वयनका लागि खाद्य सुरक्षा सम्बन्धी संयुक्त राष्ट्र संघीय उच्चस्तरीय कार्यदल र विभिन्न मुलुकमा खाद्य सुरक्षा सम्बन्धमा कार्यरत अधिकारीहरुलाई रोजगारदाता (Employers') तथा श्रम (Workers') संगठन सर्म्पर्क राखी कार्य गर्न सिफारिश गरेको छ । साथै उक्त बैठकले रोजगारी, आधारभूत सिद्धान्त एवं कामको अधिकार, सामाजिक सुरक्षा, कृषि क्षेत्रमा बालश्रम निवारण जस्ता कार्यमा आईएलओले विश्वव्यापि साझेदारको रुपमा सहयोग गर्नु पर्ने सिफारिश गरेको छ ।

महासंघका अध्यक्ष जोशीले नेपालमा हालैका वर्षरुका खाद्यान्नमा भएको चर्को मूल्य वृद्धि तथा त्यसबाट पर्न गएको प्रभाव एवं खाद्य असुरक्षाबाट उत्पन्न हुन सक्ने समस्यालाई समयमै निराकरण गर्न महासंघले संयुक्त राष्ट्रसंघ विश्व खाद्य कार्यक्रम (UN-World Food Program-UNWFP) संग मिलेर गरेका प्रयासहरु सम्बन्धी धारणा प्रस्तुत गर्नु भएको थियो ।

उक्त कार्यक्रममा अध्यक्ष जोशीले खाद्यान्नमा भएको चर्को मुल्य वृद्धि र यसबाट पर्न जाने संकटबाट बच्न समयमै सही सूचनाको आदान प्रदान, उपयुक्त खाद्य नीतिको अवलम्वन, प्रभावकारी आपूर्ति व्यवस्था तथा पर्याप्त भण्डारणको वन्दोवस्ती, मूल्य नियन्त्रण एवं वजार अनुगमन, स्वच्छ र पारदर्शी व्यापारको अभ्यास, पर्याप्त खाद्यान्न उत्पादनका लागि प्रोत्साहनदायी व्यवस्था तथा खाद्य संकलन प्रणालीमा सुधार लगायतका उपायहरु अवलम्वन गर्नुपर्ने सुझाव समेत व्यक्त गर्नु भएको थियो ।