नेपाल उद्योग वाणिज्य महासंघको ४३ औं वाषिर्क साधारण सभा चैत्र २८ र २९ गते काठमाडौंमा आयोजना हुने भएको छ । प्रत्येक वर्षचैत्र २८ गते मनाइदै आएको उद्योग वाणिज्य दिवस पनि यस वर्षेखि महासंघको वाषिर्क साधारण सभास“गै मनाउन थालिएको छ । सोही अवसरमा कृषि र कृषि व्यवसायमा भएको विकास र प्रगतिको झलक प्रस्तुत गर्ने र व्यवसायिक कृषिलाई बढावा दिने उद्देश्यका साथ राष्ट्रियस्तरको राष्ट्रिय कृषि मेला-२०६५ (Agro Expo 2009) समेत आयोजना हुने भएको छ ।
राष्ट्रिय कृषि मेला-२०६५ को राष्ट्रपति डा. रामवरण यादवबाट प्रदर्शनीमार्गस्थित भृकुटीमण्डपमा विहान ९ बजे तथा महासंघको ४३ औं वाषिर्क साधारण सभा तथा उद्योग वाणिज्य दिवस-२०६५ को प्रधानमन्त्री पुष्पकमल दाहाल 'प्रचण्ड' बाट अपरान्ह ४ बजे होटल हायात रिजेन्सी वौद्धमा समुद्घाटन हुने कार्यक्रम छ । साधारण सभा तथा उद्योग वाणिज्य दिवस कार्यक्रममा महासंघका ७५ जिल्लाका ९२ वटा जिल्ला/नगर उद्योग वाणिज्य संघहरु, ६८ वस्तुगत संघ, १० द्विराष्ट्रिय उद्योग वाणिज्य संघहरु, ३२१ वटा एसोसिएट सदस्यहरुबाट गरि करिव ७ सय जना प्रतिनिधिहरुको प्रत्यक्ष सहभागिता रहने कार्यक्रम छ । समुद्घाटन कार्यक्रममा प्रधानमन्त्रीबाट उत्कृष्ठ हुने महासंघका सदस्यहरु संघ/संस्थाहरुलाई कदर सम्मानबाट सम्मानित गर्ने कार्यक्रम पनि रहेको छ ।
नयाँ संविधानमा निजी क्षेत्रको भावनाहरुलाई पनि समावेश गराउने अभियानमा महासंघ जुटिरेहको सर्न्दर्भमा महासंघको साधारण सभाको दोश्रो दिन चैत्र २९ गते नयाँ संविधानका विषयमा निजी क्षेत्रको तर्फबाट संकलित सुझावका आधारमा तयार पारिएको निजी क्षेत्रको अवधारणा पत्र (Charter Paper) र आर्थिक रुपान्तरणबाट अर्थतन्त्रमा परेको प्रभाव विषयमा विस्तृत छलफल हुने कार्यक्रम छ । छलफलपछि आएका सुझाव समेतका आधारमा नया“ संविधानमा निजी क्षेत्रको अवधारणालाई अन्तिम रुप दिई संविधान सभा, संवैधानिक समिति, राजनीतिक दल तथा नेपाल सरकारमा पेश गर्ने कार्यक्रम रहेको छ । नयां संविधानमा निजी क्षेत्रको भूमिका सम्बन्धमा अधिवक्ता भीमार्जुन आचार्यबाट प्रस्तुती तथा आर्थिक रुपान्तरणबाट अर्थतन्त्रमा परेको प्रभाव विषयमा राष्ट्रिय योजना आयोगका पूर्व उपाध्यक्ष डा. शंकर शर्माबाट कार्यपत्र प्रस्तुती हुने कार्यक्रम रहेको छ ।
सरकारमा महासंघ विधिवत दर्ता भएको दिन चैत्र २८ गतेलाई वि. सं. २०५६ सालदेखि प्रत्येक वर्षमहासंघ र यसका सबै सदस्य संघ/संस्थाहरुले उद्योग वाणिज्य दिवसलाई राष्ट्रिय पर्वका रुपमा मनाउ“दै आएका छन् भने नेपाल सरकारले पनि यस दिवसलाई राष्ट्रिय दिवसको मान्यता दिएको छ । राष्ट्रिय वाषिर्क क्यालेण्डरमा समेत सो दिन उद्योग वाणिज्य दिवस अंकित गर्न थलिएको छ ।
नेपाल उद्योग वाणिज्य महासंघ/कृषि उद्यम केन्द्रले नेपाल सरकारका विभिन्न निकाय तथा वस्तुगत संघहरुको सहयोगमा चैत्र २८ देखि-आगामी वैशाख १ सम्म चल्ने राष्ट्रिय कृषि मेला-२०६५ (Agro Expo 2009)को मुख्य नारा "आर्थिक उत्थानका लागि कृषि व्यवसायको विकास" भन्ने रहेको छ । राष्ट्रिय कृषि मेलामा विभिन्न करिव २ सयवटा स्टल मार्फ व्यवसायिक कृषिको झलक प्रस्तुत गरिने छ ।
वि.सं. २०२२ सालमा स्थापित महासंघको वाषिर्क साधारण सभामा अर्थतन्त्रका विविध पक्षहरुमा राष्ट्रिय तथा स्थानीय महत्वका समसामयिक बिषयहरु माथि समेत छलफल हुने छ । मुलुकभरीका उद्योगी व्यापारी व्यवसायीहरुको महत्वपूर्ण भेलाको रुपमा आयोजना हुने उक्त सभामा भाग लिन आएका विभिन्न जिल्लाका प्रतिनिधिहरुबाट आ-आफ्नो क्षेत्रमा भोग्नु परेका समस्याहरु वारे अवगत गराउने तथा उक्त अवसरमा समाधानको बाटो निर्दिष्ट गरिने छ ।
नयाँ राजनीतिक व्यवस्था, नया“ संविधान निर्माणको तयारी र आर्थिक तथा व्यवसायिक क्षेत्र अत्यन्त चुनौतीपूर्ण र अनेकन समस्यासंग संर्घष गरिरहेको अवस्थामा आयोजना हुन लागेको उक्त सभाले महासंघको आगामी भूमिकालाई मार्गनिर्देश समेत गर्ने छ ।
महासंघको दीर्घकालिन सोच र नीति अर्न्तर्गत महासंघमा थप विभिन्न केन्द्र एवं विभागको सञ्चालन व्यवस्था गरी सोही अनुसारको सचिवालय संगठनलाई प्रभावकारी बनाउने क्रममा हाल महासंघ भित्र मानव संसाधन विकास केन्द्र, विश्व व्यापार संगठन इकाई, दक्षिण एशियाली व्यावसायिक मञ्च जस्ता विभिन्न इकाई तथा कार्यक्रमहरु समेत सञ्चालन गरिएको छ । त्यसैगरी महासंघ भित्र कृषि उद्यम केन्द्र, इलम प्रशिक्षण केन्द्र, उजुरी सुनुवाई इकाई, व्यवसायिक मध्यस्थता केन्द्र, गैर आवासीय नेपाली एसोसिएसन सचिवालय, नेपाली युवा उद्यमी मंच, प्रविधि तथा व्यापार सूचना प्रवर्द्धन प्रणाली नेपाल नेशनल व्युरो (Technology and Trade Information Promotion System (TIPS) National Bureau), वीनरक इन्टरनेशनल (WINROCK International), साउथ यूरोप मीट्स साउथ एशिया (SEMSA) आदि परियोजनाहरु संचालित छन् ।
नेपाल र जनवादी गणतन्त्र चीन बीच द्विपक्षीय व्यापार, लगानी तथा आर्थिक सहयोग विस्तार गर्ने उद्देश्यले नेपाल-चीन गैर सरकारी सहयोग मञ्च (Nepal China Non-Governmental Cooperation Forum) र नेपालमा भारतीय लगानीको प्रवाह तथा भारतमा नेपाली निर्यात बढाउने उद्देश्यले महासंघ र भारतीय उद्योग महासंघ (CII) बीच नेपाल-भारत संयुक्त आर्थिक परिषद् (Nepal India Joint Economic Council), पाकिस्तान र वंगलादेशसंग पनि त्यहांका उद्योग वाणिज्य महासंघहरु क्रमशः पाकिस्तान उद्योग वाणिज्य महासंघ र वंगलादेश उद्योग वाणिज्य महासंघसंग छुट्टाछुट्टै संयुक्त व्यवसायिक परिषद (Joint Business Council) गठन भई द्वीपक्षिय आर्थिक तथा व्यवसायिक सम्बन्ध विकास एवं विस्तारका कार्यहरु प्रभावकारी रुपमा हुंदै आएका छन् । त्यसैगरि महासंघस“ग हालसम्म विभिन्न देशका ३३ वटा उद्योग वाणिज्य संघ/महासंघहरुले द्विपक्षीय आर्थिक तथा व्यवसायिक सम्बन्ध विस्तारका लागि सहमतीपत्रमा हस्ताक्षर गरिसकेका छन् भने विभिन्न सात वटा प्रतिष्ठित अन्तराष्ट्रिय आर्थिक तथा व्यवसायिक संगठनहरुसंग महासंघको आवद्धता रहेको छ ।
