पाटन औद्योगिक क्षेत्र भित्र अखिल नेपाल औद्योगिक मजदुर संघ १ नम्बर एरिया समितिको नामबाट विभिन्न मागहरु राखी आज देखि सो औद्योगिक क्षेत्रको मूल ढोकानै बन्द गरी उद्योग सञ्चालनमा अवरोध उत्पन्न भएको भन्ने सम्बन्धमा नेपाल उद्योग वाणिज्य महासंघको गम्भीर ध्यानाकर्षण भएको छ ।
व्यवस्थानले पूरा गर्ननै नसक्ने खालका माग राखी सरकारको स्वामित्व र रेखदेखमा रहेको औद्योगिक क्षेत्रको मूल ढोकामा समेत सांचो लगाई काम गर्न चाहने मजदूरहरुलाई काममा जानबाट रोकी अवरोध खडा गर्न नहुने तर्फ सम्बन्धित पक्षको ध्याकर्षण गराउंदै यस प्रकारको गैर कानूनी बन्द एवं हडताल अवधिभरको तलव भत्ता दिन व्यवस्थापन वाध्य नहुने र यस सम्बन्धमा कल्याण तथा सुरक्षा समिति कार्यालय, पाटन औद्योगिक क्षेत्रले लिएको अडान प्रति ऐक्यबद्धता जनाउंदै उद्योग सुचारु सञ्चालन गरी वार्ताद्वारा समस्याको समाधान गर्न सम्बन्धित सबै पक्षमा महासंघ आग्रह गर्दछ ।
