नवनियुक्त महानिर्देशकको पदवहाली पश्चात आयोजित विशेष कार्यक्रमलाई सम्वोधन गर्नुहु“दै महासंघका अध्यक्ष कुशकुमार जोशीलेे मुलुकका सामू निकै ठूला चुनौतीहरु रहेको अहिलेको अवस्थामा महासंघ र समग्रमा निजी क्षेत्रलाई नजिकबाट वुझनु भएका नवनियुक्त महानिर्देशक डा. दवाडीले महासंघलाई अझ बढी प्रभावकारी रुपमा लैजान सक्नुहुने विश्वास व्यक्त गर्नुभयो ।

महासंघका उपाध्यक्ष कृष्णप्रसाद ताम्राकारले सदस्य लगायत आमजनतामा पनि महासंघप्रति निकै ठूलो आस र भरोसा बढ्दै गएको अवस्थामा महासंघलाई सोही अनुरुप अगाडी बढाउन नवनियुक्त महानिर्देशक सक्षम हुने बताउनु भयो ।

नवनियुक्त महानिर्देशक डा. दवाडीले नयाँ जिम्मेवारीलाई चुनौतीको रुपमा लिई महासंघलाई आगामी दिनमा अझ बढी सशक्त र प्रभावकारी संस्थाको रुपमा अगाढी बढाउने प्रतिवद्धता जनाउंदै महासंघका पदाधिकारी, कार्यकारिणी समिति सदस्यहरु, सवै सदस्यहरुको अपेक्षा अनुरुपको संस्थाको रुपमा विकास गरि लैजान आफूलाई सबैबाट सहयोग प्राप्त हुने विश्वास प्रकट गर्नुभयो ।

महासंघका निवर्तमान महानिर्देशक एवं नवनियुक्त वरिष्ठ परामर्शदाता न्यौपानेले महासंघलाई समय अनुरुप अगाडी बढाउन र परामर्शदाताको हैसियतमा आफूले निर्वाह गर्नुपर्ने भूमिकालाई बढी उपयोगी बनाउन तथा नवनियुक्त महानिर्देशकलाई आफूले हासिल गरेका अनुभवका आधारमा निरन्तर सहयोग रहने विश्वास दिलाउनु भयो ।

त्यसअघि महासंघका कर्मचारीहरुका तर्फबाट नवनियुक्त महानिर्देशक डा. दवाडीलाई सचिवालयमा स्वागत गरिएको थियो ।