झापा जिल्लामा संचालित चिया उद्योगहरुमा हाल देखा परेका समस्याहरुलाई नेपाल उद्योग वाणिज्य महासंघ समेतको सहभागितामा वार्ताद्वारा समाधान गर्ने प्रयत्न भईरहेको अवस्था यही २०६७ साल श्रावण १९ का दिन साना किसानहरुको नाउँमा केहि व्यक्तिहरु उद्योगीहरुको घरघरमा गई अशिष्ट व्यवहार भएकोमा महासंघको गम्भिर ध्यानाकर्षण भएको छ । वार्ताका माध्यमबाट समस्या समाधान गर्न जोड दिई रहेको अवस्थामा भएका यस्ता अर्मादित कार्यको महासंघ निन्दा एवं भर्त्सना गर्दछ ।
चिया उद्योगमा उत्पन्न विवादहरुलाई विगतदेखिनै बार्ताका माध्यमबाट सफल रुपमा समाधान गर्दै आएको अवस्थामा जवरजस्ती तथा अमर्यादित रुपमा भएको यस प्रकारको व्यवहारले आपसी सम्बन्ध थप असहज बन्न जाने तर्फसचेत भई दीर्घकालिन रुपमा प्रभाव पर्ने यस्ता समस्याको समाधानका दौरानमा मर्यादित तरिकाले प्रस्तुत हुन समेत महासंघ सम्बन्धित पक्षसमक्ष गम्भीर आग्रह गर्दछ ।
