नेपाल उद्योग वाणिज्य महासंघका अध्यक्ष कुशकुमार जोशी र उपाध्यक्ष भाष्करराज राजकणिर्कार ग्लोवल पीस फेस्टीवल फाउण्डेशन (Global Peace Festival Foundation) को आयोजनामा यही मंसिर १ देखि ५ गतेसम्म केन्याको राजधानी नैरोवीमा आयोजना हुने विश्व शान्ति सम्मेलन (Global Peace Convention-2010) मा भाग लिन हिजो राती केन्याको राजधानी नैरोवीतर्फप्रस्थान गर्नु भयो ।

ईश्वरको अधिनमा एक परिवारः द्वन्द समाधान, शान्ति र विकास (One Family under God: Conflict Resolution, Peace and Development) मुख्य विषय वस्तु रहेको विश्व सम्मेलनमा महासंघका अध्यक्ष जोशीले नेपालमा शान्ति र विकास सन्दर्भमा निजी क्षेत्रले गरेको पहलका विषयमा विशेष प्रस्तुती गर्नुहुने कार्यक्रम छ । ग्लोवल पीस फेस्टीवल फाउण्डेशनको आव्हानमा महासंघको अगुवाईमा हालै नेपालमा सम्पन्न कार्यक्रमका विषयमा पनि सम्मेलनमा महासंघको प्रतिनिधिमण्डलले प्रस्तुत गर्ने कार्यक्रम छ ।