नेपाल उद्योग वाणिज्य महासंघका अध्यक्ष कुशकुमार जोशीले महासंघको विधानको दफा ६७ (ख) १ को प्रावधान अनुसार महासंघको कार्यकारिणी समिति सदस्यमा मध्यपश्चिमाञ्चल क्षेत्रीय उद्योग वाणिज्य संघका सभापति एवं तुलसीपुर उद्योग वाणिज्य संघका अध्यक्ष दिपेन्द्र कुमार खत्रीलाई पौष १५ गते मनोनित गर्नु भयो ।
महासंघका उपाध्यक्ष भाष्करराज राजकर्णिकार एवं कार्यकारिणी समितिका सदस्यहरुको उपस्थितिमा अध्यक्ष जोशीले श्री खत्रीलाई महासंघको कार्यकारिणी समिति सदस्य पदको सपथ गराउनु भयो । श्री खत्री सहित अव महासंघको का.स. सदस्य संख्या ६९ पुगेको छ । महासंघको विधान अनुसार क्षेत्रीय उद्योग वाणिज्य संघका अध्यक्षलाई महासंघको कार्यकारिणी समिति सदस्यमा मनोनित गर्ने प्रावधान छ ।
