नेपाल उद्योग वाणिज्य महासंघको सचिवालयमा उत्पत्तिको प्रमाणपत्र जारी गर्ने महासंघका सदस्य जिल्ला/नगर उद्योग वाणिज्य संघ एवं वस्तुगत संघहरुको आज सम्पन्न आकस्मिक बैठकले उत्पत्तिको प्रमाणपत्रको विषयमा देहाय बमोजिमको निर्णय गरेको छ ।
१. उत्पत्तिको प्रमाणपत्र महासंघकै नाममा जारी हुनुपर्ने ।
२. उत्पत्तिको प्रमाणपत्र वापत रु. १०० मा १२ पैसा नै उठाउने ।
३. बांडफांड निम्न बमोजिम हुनुपर्ने
>> जारी गर्ने उवासंघ - ५ पैसा
>> वस्तुगत संघ - २ पैसा
>> द्विराष्ट्रिय उवासंघ - ०.५ पैसा
>> महासंघ (उत्पत्तिको प्रमाणपत्रको प्रशासनिक खर्च लगायत सवै कार्यका लागि) - ३ पैसा
>>महासंघसंग आवद्ध नभएका संघ/संस्था - १.५ पैसा
४. सरकारले अन्यथा निर्णय लिएमा त्यसको विरोध गर्ने र नमान्ने ।
साथै सोही वैठकले सिण्डिकेटबाट हाल मुलुकभित्र उत्पन्न असहज परिस्थितिका विषयमा गहन छलफल गर्न आवश्यक रहेकाले आकस्मिक बैठकमा भाग लिन मुलुकभरबाट काठमाडौ आउनु भएका महासंघका सदस्य जिल्ला/नगर उवासंघका पदाधिकारीहरुलाई यसको टुंगो नलागेसम्मका लागि काठमाडौंमै रहने निर्णय गरेको छ । साथै वैठकले यही आईतबार यस सम्बन्धमा उवासंघहरु एवं वस्तुगत संघहरुको काठमाडौंमा वृहद भेला गर्ने निर्णय समेत गरेको छ ।
