नेपाल उद्योग वाणिज्य महासंघका उपाध्यक्ष भवानी राणासंग पोखरा उद्योग वाणिज्य संघका अध्यक्ष संजिव बहादुर कोइरालाको नेतृत्वमा आएको उद्यमी व्यवसायीहरु सम्मिलित प्रतिनिधिमण्डलले आज महासंघ सचिवालयमा भेट गर्यो ।
पोखरा उद्योग वाणिज्य संघका अध्यक्ष कोइरालाको नेतृत्वमा विभिन्न उद्योग वाणिज्य संघहरुको अध्ययन भ्रमणका क्रममा प्रतिनिधिमण्डल महासंघ सचिवालयमा आएको हो ।
महासंघको रोजगारदाता परिषद्का सहसभापति मनिष अग्रवालको पनि सहभागिता रहेको सो अवसरमा स्थानीय तहमा देखा परेका श्रम समस्या, शान्ति सुरक्षा, जिल्ला उवासंघहरुको क्षमता विकास, मेला महोत्सवको आयोजना, कर राजश्व लगायतका विषयमा छलफल भयो ।
