नेपाल उद्योग वाणिज्य महासंघका अध्यक्ष सुरज वैद्यको नेतृत्वमा मलेशिया भ्रमणमा रहेको महासंघको प्रतिनिधिमण्डलले मलेशियाका पूर्व प्रधानमन्त्री टुन डा. महाथिर विन मोहमद (Tun Dr. Mahathir bin Mohamad) संग हिजो मलेशियामा भेटवार्ता गऱ्यो ।

सो अवसरमा महासंघका अध्यक्ष वैद्यले मलेशियाका पूर्व प्रधानमन्त्री समक्ष नेपाल उद्योग वाणिज्य महासंघको आयोजनामा आगामी फागुन महिनाको दोश्रो हप्ता काठमाडौंमा आयोजना हुन लागेको नेपाल आर्थिक शीखर सम्मेलन (Nepal-Economic Summit-2014) का वारेमा जानकारी गराउंदै उक्त शीखर सम्मेलनमा सहभागिताका लागि पूर्व प्रधानमन्त्री महाथिर मोहमदलाई औपचारिक निमन्त्रणा दिनु भयो । सो अवसरमा नेपाल मलेशिया बीचको आर्थिक व्यावसायिक सम्बन्ध, आयात निर्यात, संयुक्त लगानी लगायत आपसी हितका विषयमा छलफल भयो ।

सो अवसरमा महासंघको प्रतिनिधिमण्डलका सदस्यहरु महासंघको लगानी प्रवद्र्धन फोरमका संयोजक एवं महासंघको कार्यकारिणी समितिका सदस्य चन्द्रप्रसाद ढकाल, आइएमइका म्यानेजिंग डाइरेक्टर हेमराज ढकाल, महासंघका सहायक निर्देशक अनुपकुमार श्रेष्ठ र नेपाल आर्थिक पत्रकार समाजका कोषाध्यक्ष दिवाकर पन्त हुनुहुन्थ्यो ।