नेपाल उद्योग वाणिज्य महासंघका अध्यक्ष चण्डिराज ढकालसंग अन्तराष्ट्रिय मुद्रा कोषका आवासीय प्रतिनिधि अलेक्जेण्डर पिट (Alexander Pitt, Resident Representative, International Monetary Fund -IMF) http://www.imf.org/ ले आज महासंघको सचिवालयमा भेट गर्नु भयो ।

भेटका अवसरमा महासंघका अध्यक्ष ढकालले आवासीय प्रतिनिधि पिटको स्वागत गर्दै नेपालको विद्यमान आर्थिक अवस्था र अर्थतन्त्रको सुधारमा निजी क्षेत्रबाट भएका प्रयास सम्बन्धमा जानकारी गराउनु भयो । साथै उहांले आर्थिक विकासका लागि महासंघले अघि सारेका कार्यक्रमहरुमा आइएमएफबाट हुन सक्ने सहयोगका विषयमा पनि जानकारी गराउनु भयो ।

महासंघका द्वितीय उपाध्यक्ष कुशकुमार जोशी, तृतीय उपाध्यक्ष आजाद श्रेष्ठ, महासंघको स्थानीय आर्थिक विकास समितिका सभापति किशोर प्रधान र निमित्त महानिर्देशक मेघनाथ न्यौपानेको पनि सहभागिता रहेको सो भेटका अवसरमा नेपालको वित्तिय क्षेत्र सुधार कार्यक्रमका विषयमा विस्तृत छलफल भयो । साथै वित्तिय क्षेत्र सुधार कार्यक्रममा नेपाली निजी क्षेत्रको सहयोग र सहभागिताका विषयमा पनि छलफल भयो ।